BIOGRAFÍA (aragonés)

Alejandro Ibázar (Alejandro Ibáñez Alcázar) ye un choven cantautor aragonés que plega de grabar o suyo segundo disco, con o que empezipia una nueva etapa en a suya carrera mosical. Podremos ascuitar diferéns abanzes antis d´a publicazión de raso d´o disco. O primer single d´iste nuevo proyeuto ye «Astronautas».

A suya pasión por a mosica y a escritura viene dende que yera chiquet. Con alto u baixo 12 años, empezipió a tañer a guitarra de traza autodidacta, asinas como a escribir as suyas primeras canzións, cualas letras serían os alazetz de diferéns temas que ha iu componendo entre totz istos años. Finalment, dio lo trango de grabar y compartir a suya mosica en o estiu de 2016. Dende alavez, ha continau publicando nuevos temas, ha estau finalista de varios concursos de nuevos talentos, ha colaborau con diferéns instituzións y ha realizau un buen numero de conziertos. En noviembre de 2020 publicó o suyo primer disco “De Aquí al Horizonte”, una replega de toz os singles que lanzó en ista primera etapa.

Pa iste nuevo proyeuto mosical, cuenta con un equipo profesional de produzión y mosicos de primer livel. O nuevo disco ha estau produziu, entre Madrit y Zaragoza, por Diego García (produzión y mezcla) y Javi López (direzión mosical y arreglos). Y en a suya grabazión han participau grans mosicos como Carlos Gamón, Dani Podador, Sergio Sancho, Edu Escobar, Javi Arpa, José Vera o los propios Diego García y Javi López.

Podez trobar toda a suya mosica en Spotify, en a suya canal de YouTube y en todas as plataformas dichitals.

Amás de cantaire y compositor, ye tamién escritor y mayestro.

A mosica…

naixe de l´alma d´un soniador,

creixe contra más se siente,

se reproduze en cada corazón

y, por ixo, nunca no feneze.

Alejandro Ibázar

BIOGRAFÍA EN CASTELLANO